abou-alhool
abou-alhool
abou-alhool
abou-alhool
abou-alhool
abou-alhool الرئيسية abou-alhool
بانوراما
فرعونيات
بلاد وشركات
الحدث السياحي
سحر الشرق
سياحة وإستشفاء
أم الدنيا
حج وعمرة
أعمدة ثابتة
درجات الحرارة
اسعار العملات
abou-alhool
عزومة لوزير السياحة ومحافظ الجيزة ولا في الخيال
عزومة لوزير السياحة ومحافظ الجيزة ولا في الخيال
عدد : 12-2016
بقلم الخبير السياحى/ محمود كمال

قررت أخيراً أن أقوم بعزومة وزير السياحة ومحافظ الجيزة ومش مهم نحوش هذه الجنيهات لوقت عوزة ولكنى أرى العزومه واجبة وحتما ، أقولكم الأول فكرة العزومه من أين أتت ، في حقيقة الامر كنت ذاهب لمنطفة الاهرامات وفى طريقى المعتاد وهو طريق الدائرى جهة المنيب واستكمالا لاخر الطريق حتى النزول منه يمينا إلى ترعة المنصورية القريبة جدا من منطقة الاهرامات ، وبالفعل نزلت على يمين الطريق وإذا بى أتعثر بسيارتى في مجموعة من المطبات الغير تقليدية لدرجة أننى وجدت نفسى أرقص تانجو بغير قصد ، المهم واصلت سيرى ببطء شديد للحفاظ على إيقاع المطبات الراقص وفى الحقيقة أننى لم أستطع إمساك عينى إلى النظر عن يمينى حيث تم تغطية ترعة المنصورية ببراعة ولكن للأسف لا تستطيع السير في الشارع لانها لم تكتمل وهذا المشروع من سنة 2010 تقريبا ولا زال تحت الانشاء وما لفت نظرى هو كمية القمامة الملقاة على جانب الطريق والرائحة الكريهه التي تصدر منه وعلى مسافة تتخطى الكيلومترات ومن هنا أتت فكرة عزومة وزير السياحة ومحافظ الجيزة وعلى نفقتى الخاصة وعلى قد إيدى قررت أختيار مقهى شعبى من المقاهى التي على جانب الطريق وفوق الترعة المغطاة ، وقمت بأختيار مكان بصعوبة جدا لكى استطيع وضع سيارتى فيه ، وترجلت حتى وصلت للمقهى الشعبى وجلست حتى أتى إلى عامل المقهى وسألنى تشرب أيه؟ فقلت له أسمح لى أن أنتظر بعض ضيوفى وسوف نشرب سويا إن شاء الله ، والظاهر والله أعلم أن عامل المقهى لم يرى الجدية في كلماتى فطرح على سؤال ، هو حضرتك بجد مستنى ضيوف هنا على القهوة دى بتاعتنا؟ ، فقلت له بالتأكيد وطلبت منه الاهتمام بنظافة الاكواب التي سيقدم فيها الطلبات وذلك لأهمية الضيوف ، فدعاه الفضول لمعرفة من هم هؤلاء الضيوف فقولت له وزير السياحة ومحافظ الجيزة ، فخر الرجل من الضحك وقالى يا أستاذ حضرتك اخترت المكان الغلط ده إحنا في شارع معفن وقذر وكله مطبات والقاذورات والزبالة ليس لها صاحب هنا ، أرجوك تعطينى الفرصة للتحدث معهم ما إذا قدموا بجد ، فأجبته بالتأكيد هيحصل، وأتيا الوزير والمحافظ وقبل أن يصلوا إلى المقهى رأينا العجاب أنا وعامل المقهى !!!!! عربات لحمل القاذورات وعمال النظافة يكنسون الشارع وعمال اخرين دخلو المقهى بدون إحم ولا دستور وقاموا بتنظيف المقهى في دقائق معدودة ولا نعرف من اين أتوا بمفارش جديدة وتم زرع شجيرات أمام المقهى وقام الامن بسحب بطاقات الرقم القومى من الموجودين بالمقهى وإصدار التعليمات لهم بعدم الالتفات نحو الضيوف أو التحدث معهم في أي شيء وقمنا بأستقبالهم داخل المقهى الشعبى البسيط ولكن في صورته المتطورة ، والحقيقة أننى قد وعدت عامل المقهى باعطائه الفرصة للتحدث مع ضيوفى ،فقام عامل المقهى بتوجيه سؤاله لمحافظ الجيزة : هو حضرتك مش بتشرفنا ليه كتير إحنا ممكن عيشتنا تتغير وتبقى أحسن لو حضرتك مريت علينا مرة كل شهر وأطمئنيت علينا ، لان من غير ما حضرتك تطلب من حد يسفلت الشارع وينظفه ويزرعه، إحنا واثقين إن كل ده هيتعمل وحضرتك سايب إيديك ؟ المحافظ ردا على عامل المقهى: أنت عارف أنا مش ممكن أتاخر عنكم وأول ما تم دعوتى لم أفكر ثوانى في قبولها وها أنا أمامك واديك شايف الناس بتاعتنا بتشتغل بحماس إزاى وزى ما أنت بتقول من غير تعليمات منى هم بيشتغلوا لوحدهم !!!!
عامل المقهى لوزير السياحة: يا افندم حضرتك فين مش بنشوفك غير في التليفزيون ، إحنا محتاجينك هنا معانا تشقر علينا كل فترة لان السياح مش بنشوفهم خالص الا القليل منهم بينزلوا صور على الفيسبوك والكلام ده وشكلنا بيبقى وحش خالص ، عايز من حضرتك وعد أنك تشرفنا هنا ونشوفك علشان تسمع شكوانا بنفسك وتشوف بعينك أن كل ده بكش في بكش ومجرد ما هتشربوا الشاي بتاعكوا بالف هنا وشفا هترجع ريمه لعادتها القديمة ، صحيح إحنا مش لاقيين نأكل علشان السياحة مضروبة ، بس على الأقل من غير بكش.
الوزير لعامل المقهى: 6 محاور شغالين عليهم وحياتكم كلها هتبقى جميلة والدائرى كمان هيبقى أجمل والمحاور السته هتخلى حياتكم جنة قول يارب!!