abou-alhool
abou-alhool
abou-alhool
abou-alhool
abou-alhool
abou-alhool الرئيسية abou-alhool
بانوراما
فرعونيات
بلاد وشركات
الحدث السياحي
سحر الشرق
سياحة وإستشفاء
أم الدنيا
حج وعمرة
أعمدة ثابتة
درجات الحرارة
اسعار العملات
abou-alhool
إحنا مين؟
إحنا مين؟
عدد : 05-2018
بقلم/ ريهام البربرى
Rehamelbarbary2006@yahoo.com


محتارة أبدأ معاكم منين؟ .. من بغض ظلم وإضطهاد بقى له سنيين..ولا من خوف على كرامة ممكن تتمحي بكتمان الآنين..صحيح زمنا صعب ومش عارفين واخدنا ورايح بينا على فين؟.. لكن إحنا على العهد صامدين زى الصخر لن نلين.. مشاكلنا حلها فى إيدينا واللى إتهد بينا سواعدنا قادرة تبنيه لينا.. بس ارجعوا وكونوا واحد علشان تعرفوا سهامكم بتترمى على مين؟.. واللى لسه مش عارف احنا مين؟.. إحنا المسلمين والمسيحيين فى رباط ليوم الدين.. إحنا اللى من القاهرة لشلاتين على حب الله الواحد الأحد متواعدين.. إحنا اللى فى كل الساحات والميادين رافعين راسنا متواضعين.. إحنا اللى ربنا بيهدينا بعيد عن وسوسة الشياطين..إحنا اللى لما بننصر الحق بنزيد هدى وتقى ودين.. إحنا مش زى ما انتوا فاكرين نسرق التاريخ ونبيع الطين.. إحنا جذور الأرض ولو كنتم ناسيين أمجادنا ممتدة من آلاف السنيين ..إحنا اللى وارثين كرامة وجدعنة وشهامة أباءنا المحترمين.. إحنا اللى نحب اللمة وسط أهالينا وحبايبنا الطيبين..إحنا اللى كرمنا غير موصوف لكل عزيز معروف..إحنا الشعب أبو دم خفيف تلاقينا وقت الجد أهل وصحبة متكاتفين..إحنا الأصيل بينا معروف إيده ممدودة فى الشدة لكل ملهوف.. إحنا اللى بهجة الحياة وجلال الموت فى قلوبنا مجتمعين.. إحنا اللي بيشتم فينا عنه مترفعين أصل أخلاقنا متوصى عليها فى كل كتب الدين.. إحنا اللى دمنا غالى علينا بيرخص علشان بلدنا تعيش..إحنا معبد وقلعة حورس وصلاح الدين..إحنا اللى كنا للهكسوس والتتار منتصرين ولازلنا للعدو متربصين..إحنا نصر أكتوبر ومع كل عبور قادرين ومكملين.. إحنا اللى عايشين بالتفانى أبطال لا بنستنى أوسمة ولا نياشين .. إحنا 5000 سنة مجد وحضارة غيرنا فيهم مجرى التاريخ ..احنا اللى رحلة عمرنا كانت كفاح في كفاح ولازلنا على خارطة الطريق صامدين..احنا اللى مش بنستنى رد المعروف وخطوتنا سابقة كل الصفوف أصل قلوبنا مزارع حصادها خير للنفس وللغير..احنا أرض الأنبياء والمرسلين وبطهارة آل البيت مكرمين.. إحنا اللى واثقين أن جزاءنا بما صبرنا ودوا الدهر الصبر عليه..إحنا فن أم كلثوم وحليم وأدب محفوظ والعقاد وإدريس وعبد القدوس وطه حسين..إحنا علم زويل ويعقوب والباز وغيرهم علماء نوابغ بالملايين تلاقيهم فى كل كتاب حيين مش ميتين..إحنا أم المصريين وهدى شعراوى ونبوية موسي وبنت الشاطىء وغيرهن بالملايين أمل لكل قلب حزين..إحنا نغم حجازى والقصبجى والسنباطى ودرويش ومكاوى وغيرهم من الموسيقيين اللى عاشوا في وجدان كل المستمعين.. إحنا جسارة قلب وثبات عقيدة واللى يفكر يأذينا عليه أنه يواجه 100 مليون شهيد..عرفتم إحنا مين ولا لسه واجب علينا نقدم البراهين؟!