بقلم الدكتور/ حمدى بركات
بتقولي ادع لي واتوصي
ادعي لها في صلواتي
أقول لها ايه مش عارف
دي هي أملي وحياتي
بفكر فيها طول الوقت
وبحلم بيها وأنا صاحي
بشوفها جنبي طول الوقت
وبشوف في عيونها أحزاني
وبشوف عمري اللي ضاع منها
وبشوف واياها أحلامي
وبشوف أملي وبشوف يأسي
وبشوف فرحي وبشوف حزني
وبشوف وجعها في ملامحها
أقوم أجري علي صلاتي
وأدعي ربي يرحمني ويشفيها
دي هي الحلم في حياتي
دي هي نبض شرياني
ربي خد من عمري واعطيها
ورجعها لنا زى ما كانت
ورده جميلة في بستاني
|