بقلم المستشار/ وسام ماهر
في رثاء الدكتور محمد مشالي، رحمة الله عليه...
داوى كتير مِ الألم
ولا افتكر ألمه
وياما خط القلم
دوا، والحبر من دمه
فيه من صفات النبي
وكمان حمل إسمه
حجم الجبل قلبه
رغم انكماش جسمه
طبيب مداوي الغلابة
ولا همه جاه ولا مال
دكتور في غاية الطيابة
جاهز، جميع الأحوال
ولا عمره يوم اشتكى
ولا عانى ضيق الحال
واسمه بقى ملحمة
في سيرة الأبطال
مات اللي شال همنا
وفوق الرؤوس ينشال. |