الجمعة, 29 مارس 2024

abou-alhool
abou-alhool
abou-alhool
abou-alhool
abou-alhool
الرئيسية
بانوراما
فرعونيات
بلاد وشركات
الحدث السياحي
سحر الشرق
سياحة وإستشفاء
أم الدنيا
حج وعمرة
أعمدة ثابتة
درجات الحرارة
اسعار العملات
abou-alhool

وتتوالى الأزمات ..بدون” لازمة “!!

وتتوالى الأزمات ..بدون” لازمة “!!
عدد : 07-2020
بقلم الدكتور/ حسن صادق رضوان
العضو المنتدب ورئيس مجلس ادارة شركة CIHOST


منذ أكثر من شهر خرجت علينا وسائل الإعلام بخبر أن وزارة السياحة أغلقت فندق بالغردقة لسماح إدارته بتنظيم حفل وظهر في الصور ومقاطع الفيديو المتداولة مجموعة من النزلاء بالفندق ترقص و لا تراعي التعليمات الإحترازية والتباعد الإجتماعى والجسدى .

وطبعاً الناس هاجت ما بين مؤيد و معارض ،وقصص كتيرة إتحكت ،وفجاءه ظهر معالى وزير السياحة والآثار النشط (واللي الله يكون في عونه) ليلغي هذا القرار، وينقذ الموقف والعاملين من التسريح ،ويلغي القرار وطبعا ده شئ يحسب لمعاليه.

اليوم مرة أخري نري خبر إلغاء تراخيص 3 فنادق لتسريحها العاملين … امممم أي قرار هذا وكيف يكون حل ؟!!

زمان كان الناس بتقفل الباب بالكالون ولو قلقانة تجيب حاجة أسمها ” رزة ” و تركبها وتقفلها بالقفل فيبقي الباب المغلق محكم الإغلاق .

طيب دلوقتي العاملين إتسرحوا والمنشأة اُلغيت ترخيصها جميل، طب ممكن شوية إجابات للأسئلة دية:

أولاً : ما المتوقع للثلاث منشأت كمباني وكيفية إستخدامهم، حايبقوا مساكن شعبية مثلاً و لا تتباع شاليهات ؟!!.

ثانياً : كده العاملين رجعوا لشغلهم ، يعني قبضوا و اتعشوا و كده أخر ” فل ” ؟!!.

ثالثاً: هو إحنا ما نحلش ، ونقول الناس كمان روحوا خدوا قروض إدفعوها للموظفين وإنتوا ما بتشتغلوش علي أساس انهم حرامية ؟

رابعاً : هي دي فنادق و لا تكية ؟!!.. الأصل إن الأجر في مقابل العمل ومن أخد الأجر حاسبه ربنا علي العمل والناس اللي دافعة ملايين بيوتها إتخربت وإدينت وإحنا كمان بنكمل الخراب ؟!!.

خامساً: من صاحب فكرة اللي هايحاول ينقذ نفسه هانعاقبه

سادسا : هو وزارة التضامن فين؟!!.. والتأمينات اللي هارية الناس تجميع فلوس عملت إيه ؟!!.

أنا قطعاً ضد تسريح العاملين، وكمان مع تقدير الأطراف لخطورة الموقف ، فلا يوجد شئ في العالم إسمه أن الأجر حق مكتسب!!.

ومعروف أن الأجر في مقابل العمل، ولابد من تدخل الأطراف الحكومية، وتقديم تسهيلات تعويضية تشجع المستثمر للإبقاء علي العمالة.

خفضوا سعر المياه والكهرباء في المناطق السياحية فيحسوا بالتعويض لاحقاً ، إن إدارة الأزمات فن وتحتاج لدراسة وعلم .

تخيلوا سفينة ضخمة علي وشك الغرق وهناك مجموعة من الفلوكات تساعد في انقاذها ، ونقل الركاب ، أحد أصحاب الفلوكات ما عندوش فلوس فقال للعاملين مع السلامة!!.. قامت الحكومة لغت ترخيص الفلوكة!!

طيب ما الغريق لا يخشي البلل، .. طب والسفينة مين ينقذها؟!! والعمال يروحوا فين؟!!

حلول الأزمات يجب أن تجد لى حلاً ، وأجد لك حلاً ،.. لجنة تنزل تقابل وتحل ،والبنوك تتدخل، والحوافز المستقبلية تشتغل ، ومصر تشجع الناس اللي شغالة واللي محافظة.

وتوعد بالمشاركة في المعارض الدولية مجاناً في جناح مصر ،وتأخد جناح أكبر ،و تخفض كهرباء ومياه وغاز لمدة سنة، والتأمينات تدفع معاشات استثنائية للعاملين ،ويسمح بتخفيض الأجر، وكده الموظف يبقي بياخد جزء من صاحب العمل و جزء من التأمينات فنحافظ علي أجره.

ثم عاد يفكر و يفكر … أرجو إني ألاقي ناس في لجنة إدارة الأزمات بتفكر خارج الصندوق ، ومش بتفكر إزاي تعمل أزمة جديدة!!.

أنا بصراحة اُرهقت مما أتابعه… معالي الوزير الدكتور خالد العناني.. نرجوكم التدخل وإنقاذ الموقف.

اللهم قد بلغت ..اللهم فأشهد