الخميس, 28 مارس 2024

abou-alhool
abou-alhool
abou-alhool
abou-alhool
abou-alhool
الرئيسية
بانوراما
فرعونيات
بلاد وشركات
الحدث السياحي
سحر الشرق
سياحة وإستشفاء
أم الدنيا
حج وعمرة
أعمدة ثابتة
درجات الحرارة
اسعار العملات
abou-alhool

قائمة أسوار وأبواب القاهرة القديمة

قائمة أسوار وأبواب القاهرة القديمة
عدد : 12-2020
بقلم المهندس/ فاروق شرف
استشاري ترميم الاثار

عندما إتبنت القاهرة سنة 969 هجرية كلن لها أبواب كثيرة فى أسوارها التى كانت تحيط بها من الإتجاهات الأربعة فمنها من إختفى ومنها مازال يزين عمارتنا الإسلامية والتاريخية التى نهتم بها لأنها تمثل جزء من ثقافتنا وهويتنا التى لا يمكن تجاهلها ومنها على سبيل المثال :

باب النصر .. باب الفتوح .. باب البرقية .. باب القراطين .. باب زويلة .. باب سعادة .. باب القنطرة .. باب الخوخة .. باب السلسلة .. باب الشعرية .. الباب الأحمر .. باب القلة .. الباب الجديد .. باب العزب .. باب الوزير .. الباب المدرج .. باب السر .. باب الدهيشة .. باب اللوق .. باب البحر .. وكل باب له حكاية وسبب تسمية :

1- باب النصر : ده الباب اللى كانت بتدخل منه جيوش مصر اللى راجعه بالنصر. عدى فيه سلاطين مصر العظام زى الظاهر بيبرس و قلاوون و الأشرف خليل و الناصر محمد بن قلاوون بأسرى اعداء مصر - بناه جوهر الصقلى لما بنا سور القاهره و نقله بدر الجمالى مع باب الفتوح من اماكنهم الاصليه جنب زاوية القاضى لأماكنهم الحاليه. بيعتبر الباب ده من أهم الاثار الحربيه اللى بقيت فى مصر من العصور الوسطى .. بين البدنتين فيه باب ضخم عالى فوقه فتحه حواليها افريز بيحيط بالبدنتين و عليه كتابات بتذكر اسم اللى بناه و تاريخ البناء - فوق الافريز فيه مزاغل و سلم حجرى بيوصل لسطح الباب بتصميم بيعتبر الاول من نوعه فى تاريخ عمارة العصور الوسطى ، و بيوصل لأبراج وغرف فيها اهم مجموعة عقود حجرية - على باب النصر منقوش نص طويل فيها اسامى الخليفه المستنصر و امير الجيوش ابو النجم بدر.

2- باب الفتوح : فى شارع باب الفتوح ، لما بناه جوهر الصقلى فى القاهره كان جنب ناصية حارة بين السيارج ، لكن لما جدد بدر الجمالى سور القاهره سنة 1087 بنى باب النصر و باب الفتوح فى اماكنهم الحاليه ، و ربطهم ببعض بسور بيوصلهم لبعض بسراديب - و باب الفتوح بيتكون من برجين مدورين بيتوسطهم المدخل ، و على جناب البرجين فيه طاقتين واسعين.

3- باب زويله : فى جهة سور القاهره القبلى - و كان بيتكون من بابين جنب بعض، واحد جنب زاوية سام بن نوح اللى جنب سبيل العقادين و كان معروف بباب القوس و التانى بجواره - باب زويله بشكله الحالى بناه بدر الجمالى سنة 1092 قدام باب زويله القديم اللى بناه جوهر الصقلى - باب زويله اكبر ابواب القاهره و موجود على راس شارع المعز من الناحيه القبليه و فوقه المآذنتين بتوع جامع الملك المؤيد و فيه ناس بتسميه باب المؤيد اوبوابة المتولى - و باب زويله شاف احداث تاريخيه مهمه ، لما هولاكو بعت رسله بتهديد لمصر اعدمهم السلطان قطز و اتعلقت روسهم على باب زويله .

4- باب القراطين : يمكن تحديد موقع هذا الباب الذي بناه جوهر في السور الشرقي نظرا لأن موقع الباب الذي بنى مكانه في العصر الأيوبي لا يزال معروفاً حتى الآن باسم الباب المحروق. وموقع باب القراطين الأول كان على مسافة حوالي خمسين ذراعا من الباب المحروق الحالي.

وقد أعاد بناء باب القراطين صلاح الدين الأيوبي سنة 1176م وقد ذكره المقريزي والقلقشندى وكان هذا الباب يعرف بإسم باب القراطين نسبة إلى بائعي القرط وهو البرسيم، وكانوا يتجمعون في سوق المواشي والغنم الذي كان موجوداً بجوار الباب لبيع البرسيم.

5- الباب المحروق : فيرجع إلى حادثة تاريخية في نطاق صراع المماليك البحرية على السلطة: ذكر المقريزي في الخطط 3 أن حوالي 700 من مماليك أمراء المماليك بيبرس، وقلاوون، وبدر الدين بليسرى عند اختلافهم مع السلطان عز الدين أيبك وقيامه بقتل زعيمهم الأمير فارس الدين أقطاى داخل القلعة في شعبان سنة 652 هـ (1254م)، تجمعوا خارج أسوار القلعة فرمى لهم عز الدين أيبك رأس زعيمهم، فعزموا على الهرب إلى الشام، وفي الليل تركوا منازلهم وتقدموا نحو باب القراطين فوجدوه مغلقاً كما كانت العادة في ذلك الوقت من غلق أبواب المدينة ليلاً. وعند تيقنهم من حجزهم قاموا باشعال النار في الباب حتى سقط تماما بعد احتراقه وهربوا منه إلى الشام.

6- باب البرقيه : لانه كان شرق جامع الغريب - اتجدد كذا مره و كن اخر مره على ايد الامير عبد الرحمن كتخدا - اتهدم سنة 1936 لما اتبنت جامعة الأزهر الشريف.

7- باب سعاده : فى السور الغربى المحازى للخليج المصرى ( الكبير ) - بناه جوهر القائد سنة 969هجرية - اسم الباب ده بيتنسب لـ سعاده بن حيان غلام المعز لدين الله.

8- باب الفرج : كان فى سور القاهره الجنوبى - مش موجود دلوقتى - كان جنب ضريح الست سعاده فى الزاويه الجنوبيه الغربيه لمديرية امن القاهره فى ميدان احمد ماهر.

9- باب القنطره : اسمه منسوب للقنطره اللى بناها جوهر الصقلى على الخليج - كانت الناس بتعدى منه من باب مرجوش لباب الشعريه - اتهدم فى عصر الدوله المملوكيه سنة 1270.

10- باب الخوخه : بناه جوهر الصقلى فى سور القاهره الغربى فى اتجاه جامع القاضى يحيى زين العابدين - اتعرف كمان باسم خوخة ميمون.

11- باب السلسله : فى قلعة الجبل ، كان معروف كمان بباب الاسطبل ، و معروف دلوقتى باسم " باب العزب " ، بيطل على ميدان صلاح الدين - ضض جدده الامير رضوان كتخدا الحلفى سنة 1747.

12- باب الشعريه : اتعرف كمان بباب العدوى . كان سور القاهره الشمالى بناه صلاح الين الايوبى غرب الخليج المصرى بين الخليج و باب البحر و كان فى ميدان العدوى - على ناصية شارع سوق الجرايه و كان بيفتح على ميدان العدوى و شارع الزعفرانى و شارع العدوى و سكة الفجالة - اتزال باب الشعريه سنة 1884 بسبب خلل فيه.

13- الباب الاحمر : اتعمل فى العصر الأيوبى فى ناحية قلعة الجبل الجنوبية و بيشرف على باب المقطم - اسمه دلوقتى برج المقطم.

14- الباب الجديد : بناه صلاح الدين الايوبى فى سور القاهره الشرقى اللى بيطل ع الصحرا على بعد 145 متر جنوب برج الظفر - اطلاله لسه موجوده فى السور الشرقى بين باب البرقيه و الباب المحروق - وحاليا نقوم بترميم هذا الباب.

15- باب القله : كان فى سور جوانى فى الجزء الشمالى الشرقى لقلعة الجبل. السور اللى فى نص الباب ده كان بيفصل بين الساحه اللى كانت ورا باب القلعه العمومى و البيوت السلطانيه. فى الساحه دى كان بيقعد الامراء لغاية ما يتسمح لهم يدخلوا. اتعرف باسم باب القله نسبه لبرج عالى بناه الظاهر بيبرس فى القلعه ثم تم هدمه.

16- الباب المدرج : اقدم ابواب قلعة الجبل - بناه صلاح الدين الايوبى سنة 1183- لسه موجود على شمال الداخل فى القلعة - منقوش عليه اسم صلاح الدين.

17- باب الوزير : بناه صلاح الدين الايوبى فى سور القاهره الشرقى بين الباب المحروق و قلعة الجبل - اسمه بيتنسب للوزير نجم الدين محمود وزير السلطان سيف الدين ابو بكر ابن الناصر محمد بن قلاوون ، زى ما بيتنسب ليه شارع باب الوزير و قرافة باب الوزير.

18-باب السر : كان مخصص لدخول و خروج اكابر الامرا و خاصة الدولة زى الوزير و كاتب السر - معروف دلوقتى باسم الباب الوسطانى - بيفصل بين دهليز باب القلعه العمومى البحرى و الحوش اللى فيه جامع الناصر محمد بن قلاوون و جامع محمد على باشا.

19- باب الدهيشة : ده من أبواب قلعة الجبل وسمى كذلك نسبة لقاعة الدهيشة التى كانت فى القلعة واللي بناها السلطان الصالح عماد الدين إسماعيل سنة 1344 هجرية والتسمية علشان اللي كانوا بيشفوه بيندهشوا من قمة الفخامة وروعة الزخرفة .

20- باب اللوق : هذا الباب انشئ سنة 1241 هجرية فى عهد الملك الصالح نجم الدين أيوب كبوابة لميدان ألعاب الكرة والفروسية والرماية فى المنطقة التى يقع فيها باب اللوق الحالية.

21- الباب الحديد : هذا الباب هام وله بوست خاص .. القادم إن شاء الله.
 
 
الصور :